5 gipa Meghalaya Games o Taekwondo susaani bon·kamgipa kal·aniko da·al salni bako matchotaha. Ia susaanio bang·a a·jarangoni bakko ra·ange saksa sakgipin baksa susagrikangtokaha jeon adita A·chik chadamberangoni chegipa ong·angaha.
Taekwondo Kg 45 ni ning·o ong·gipa me·asarangni kal·anio Gold medalko East Khasi Hills ni Ravi Kumar Rai man·aha, Silver medalko East Garo Hills ni Areyo A. Sangma, skanggipa Bronze medalko West Garo Hills ni Kreangbeth A. Sangma aro gnigipa Bronze medalko Ri-bhoi ni Samir Chetri man·angaha.
Kg 42 ni ning·o ong·gipa me·chikrangni kal·anio East Khasi Hills ni Dayalanki Challan Gold medalko man·aha. Silver medalko West Jaintia Hills ni Sritee Kumari, skanggipa Bronze medalko West Garo Hills ni Aurialla Wasabi K. Marak aro gnigipa Bronze medalko East Garo Hills ni Jaksal Arimchi T. Sangma man·angskaaha.
Minggipin Kg 46 ni ning·o ong·gipa me·chikrangni kal·anio Gold medalko East Khasi Hills ni Ibapynhun Kharmyndai, Silver medalko South West Garo Hills ni Joynilla Ch. Marak, skanggipa Bronze medalko East Garo Hills ni Nokgrikchi G. Momin aro gnigipa Bronze ko West Garo Hills ni Jheanchim B. Marak man·angaha.
