Meghalaya a·doko Startup Ecosystem ba a·bachengbagipa entrepreneur rangna janggi tangani cholrangko dakanirang namen tang·doanina award ko on·an baksana nambate kam ka·giparangoni damsa a·dok ong·a ine koborna parakataha. 4 gipa changna startup ecosystem ko ong∙ataniko 2022 bilsio a·bachengataha jeon dam 7 bakrangko dingtangate namdapatani gadango 25 kam ka·ani point rangna 85 mark rangko chamataha aro kam ka·giminrangko nipiltaiani baksa chu·gimik 100 score rangko chamangaha. A·dokrang aro Union Territory rangko bak gni dake donataha jeon Bak-A (mande jelani crore 1 na batgipa) aro Bak-B (mande jelani crore 1 na komigipa) ong∙a. Ia bak dakaniko gadangrangko songe on·a aro nambate tosusana man·agita dakangaha.
Ia kam ka·anirangko name porikka ra·e niani ja·mano Commerce & Industry ni Minister Piyush Goyal National Startup Day ko New Delhi ni Bharat Mandapam biapo maniani somoio ia 4 gipa States’ Startup Ranking 2022 o nambatgiparangko parakataha. Ia tosusaani kamrangko Department of Promotion of Industry and Internal Trade (DPIIT) ni gita a·bachengate kamrangko ka·ataha jedakode India a·songni a·dokrang aro Union Territory rang a∙bachengbagipa entrepreneur rangna janggi tangani cholrangko bikote chuangna man·agita miksonge dakangaha.
A·dok sorkari entrepreneur rangna janggi tangani cholko ra∙banagita Prime-LIFCOM aro Prime-MBMA ko bikote tangka paisani gita dakchakaniko dakangan baksana bijolioniko jakkaltaitaina man·gipa cholrang, buring bolgrimrangko ripinge somoi kariko nambatatna aro songadamrangni neng·nikanirangko namdapatnagita adita kamrangko a·bachengatangaha. Meghalaya a·dokko financial leader ba tangka paisarangko chamani bidingo ge∙sa dilgipa ong∙ani, Incubation hub and mentorship champion ba skie ra∙aniko apalbate ma∙siatani aro innovative leader ni kamrango chu·sokanina ma∙mong sorkarinigita nambatgipa a∙dokrangoni ong∙a ine ra∙chake boksisko on∙angaha.
