West Garo Hills Tura-ni Ahap N. Sangmana uni dingtangmancha niksamsoe kam ka·anina, sakgipinni changa sapaniko am·sandianina dakchakanina, doka damani aro jawilwat-rangko taridapani a·bao bimchipe kamrangko ka·anio International Icon Award 2024 ko man·aha.
Talent Hunt Studio Tura-nigita ua dingtang dingtang a·jani gisiko nanggipa manderangna an·tangtangni changa sapaniko mesoknagita cholko on·e dakchakangaha. Ua sak 900 na batpile git ring·giparangna indin gitrangko chipnagita cholrangkoba on·angaha. Uni indake gisiko nange manderangna kakket ong·e on·kange kamrangko ka·anina International Icon Award nigita una dingtangmancha mande ra·ani chingita award ko on·angskaaha.
