Mijal attam ni December 19 tariko, Rhythm School of Music nigita, Delhi ni saksa mingsingbegipa Painist aro Gurgaon Bridge Music Academy ni Director Adhitya Sreeraam ko dingtangmancha West Garo Hills, Tura ona okamate Recital cum Piano Concert ko District Auditorium o ong·atangaha.
Ia programona Rangsakonani MLA Subir Marak mongsonggipa sokgipa ong·e sokbaan baksa Chokpot GHADC ni Deputy CEM Nikman Marak, gitcham Civil Service Officer, Hubert Marak, SGH ni Soil & Water Conservation ni DO, John Oswin Momin aro doka damanio saksa niksenggipa Shekhar Sangma re·bae bakko ra·angaha. Ia programo dingtang dingtang doka damanirangko jekai guitar, violin, keyboard, piano rangko jakkale doke dame mesokangan baksana Krismasni gitrangkoba ring·mesokange an·saoatangaha.
