Gittamgipa Load Despatch Centre (LDC) Excellence Award 2023 ko IIT, New Delhi o ong·atanio Meghalaya a·dokni bijoliko bikotanio bimchipe kam ka·anina aro nambee nigrike suale jakkalanina, kamrangko nigrike rai on·gipa dolrang, LDC Award aro 12 gipa GRID-INDIA Power System Awards (GIPSA) minggni award rangko mijal salni bako Meghalaya a·dokna on·angaha. Ia award on·ani programme ko GRID-INDIA, FITT IIT-Delhi baksa bakrime ong·atangaha jeon MePTCL ni Director (Transmission) A. Kharpan aro SLDC ni Superintending Engineer T. Gidon Meghalaya a·dokni palo awardko ra·chakangaha. Ia programme ona Power and New & Renewable Energy ni Cabinet Minister Raj Kumar Singh mongsonggipa sokgipa ong·e bakko ra·angaha.
Una agreba Meghalaya a·dokni pilak SLDC dolrangni bimchipe aro name kamrangko ka·e indakgipa chu·sokaniona sokdoe ia awardko man·anina MeECL ni CMD Sanjay Goyal rasong chabean baksana mittelepilani kattarangko aganangaha. Ia LDC Excellence Award ko man·aniara Meghalaya SLDC dolrangko mikkangchi gisik nangbate aro bimchipe kam ka·angna didiani ong·anggen ineba aganangaha.
