Tura ni District Football Association bilsi 18 ni ning·o ong·gipa me·chik bi·sarangna 5 gipa Meghalaya games-o West Garo Hills District ni palo robol kal∙nagita December 16 tariko seokaniko dakanggen ine parakataha. Robol kal·na changgipa sapgiparang aro gisiko nanggiparang Sonibar salni 1 bajini somoio, Tura GBHSS Artificial Football Turf, Chandmari kal·chakramo nanga lekkarangko ra∙e re∙bapachina District Football Secretary, Gino Sangma u·iatangaha.
West Garo Hills District ni palo robol kal∙na baseanio bak ra·nagita January 31, 2006 ba uni ja∙man atchigipa ong∙na nanggen ineba u·iatangaha. Bakko ra∙na sikgiparang an∙tangtangni aadhaar card aro birth certificate ko ra∙bana nanggen ine Tura District Football Association ni dilgiparang parakataha.
