Cuttack o me·asa dolni U-16 Vijay Merchant Trophy na kal·anio Meghalaya dolrang Arunachal Pradesh ko innings ge·sachi aro run 78 chi amataha. Ian Meghalaya dolni skanggipa changna kal·susaanio cheani ong·enga. Meghalaya dol skanggipa kal·anio Sikkim baksa sirikaha aro gnigipa kal·anio Nagaland baksa kal·anio apsangrikanio point rangko apsan bak dake sualaniko man·angskaaha.
Meghalaya dolrang dokchenge skanggipa innings o 304 run rangko tarinagita man·aha. Arunachal Pradesh uamangni skanggipa innings o 116 run rangkosan tarinagita man·aha. Apsandaken gnigipa innings o Arunachal Pradesh chu·gimik wicketko ga·akate 110 run mangmangkosan tarina man·e run 78 chi sirikaha.
Meghalaya ni robol gogiparangoni Gaurav Jyoti Thakuria chu·gimik innings o wicket 8 ko ra·nagita man·angaha aro Apandanka Marak skanggipa innings o hat-trick ko man·e bon·kame wicket 7 ko ra·nagita man·aha. Unbaksana Resal Ali ba doltangna nambee robol goe wicket 4 ko man·e on·angaha. Unbaksana Meghalaya dolna doke on·giparangoni Rudra Singh Rathore 107 run ko doke doltangna run ko tariangaha.
Meghalaya dol uamangni ge·gipin kal·aniko Mizoram baksa re·baenggipa December 16 tariko kal·angskagen.
