A∙chik Council Holistically Integrated Krima (ACHIK) dolrang uamangni dolko Garo Hills a∙gimikona apalbatate jatni aro songsalni namgnina kam ka·na re∙mikkange gitalgipa Unitko Selsella aro Tikrikilla o a∙bachengate on·angaha.
Selsella aro Tikrikilla o ACHIK dolko a∙bachengate on∙ani miksonganiara dingtang dingtang biaprango donggipa A∙chik jatrangni ku∙mong nangrimaniko mesokna aro jatni daka rikaniko ripinganian ong∙a. ACHIK Selsella Unitko dilnagita dingtang dingtang dilgiparangko jako ra·e kam ka∙nagita seokangaha. Sotseng Marak ko President ni biapko jako ra∙e kam ka∙na seokangaha. General Secretary na Mintu Marak, Vice President na Panseng Sangma, Joint Secretary na Kalseng Sangma, Organising Secretary na Salman Sangma unbaksana Walsing Sangma, Bablu Marak, Cheang Marak, Sengrak Marak, Pelit Sangma, Luke Sangma, Kakim Marak, Jakius Marak ko Executive Member na seokangskaaha.
Apsandaken Tikrikilla Unitko dilnaPhulmoon G. Momin ko President na, Climex D. Sangma ko General Secretaryna, Cheangkan K. Momin ko Vice Presidentna, Stuvel N. Sangmako Joint Secretaryna, Gosmao D. Momin ko Organising Secretaryna aro Kristopher Ch. Sangma, Devanon M. Marak, John Ch. Sangma aro Tangge Ch. Sangma ko Executive Member na seokangskaaha.
