Gujarat o kal∙enggipa bilsi 19 ni ning∙o ong∙gipa me∙asarangni Cooch Behar Trophy o Arunachal Pradesh baksa kal∙ani gnigipa salo Meghalaya doloni Avinash Rai ni century dokanichi ia susaanio dolko bilakbate mikkango ong∙sona dakchakangaha. Avinash chu∙gimik 126 runrangko rong 189 ball-rango man∙aha jeon ua chang 19 bri runko dokangaha.
Kal∙a a∙bachengao Meghalaya dolrang 49 runko man∙engon sak 4 wicketrangko ga∙akatmanahaoba Avinash Rai aro Pushkar ni bakrime kal∙anichi 184 runrangona tang·doatangna man∙aha. Meghalaya dolrang chu∙gimik 365 runrangko man∙aha aro 205 rungrangchi mikkangsoe skanggipa innings ko matchotataha. Saksa wicket ga∙akdapatani ja∙mano Shavian 78 runrangko dokanichi dolko chu∙bata nisanko dona dakchakangaha. Skanggipa innings o Arunachal Pradesh chu∙gimik 160 runrangko wicket bon∙e ga∙akate dokaha aro gni salni bon∙angachipak 22 runrangko man∙e saksa wicketko ga∙akataha.
Kal∙ani skanggipa salo Meghalaya doloni robol goanio, Shavian sakbri wicket rangko ga∙akatna man∙aha. Skanggipa innings-o Balgrik Sangma over 10 ko goe, 28 runrangkosan on∙e sakbri wicketrangko ga∙akataha aro gnigipa innings-oba ua saksa wicketko ra∙chengna man∙aha.
