Ia jani re·baenggipa 15 aro 16 tariko East Garo Hills District Administration salgnina Rongrenggre Higher Sec. School, Williamnagar ni kal·chakram biapo Simsang festival ko ong·atanggen ine koborna parakataha.
Salgnina ia festival ko ong·atani somoio bang·a susaatanirang jekai git ring·susaani, chroksusaani, A·chik jatni susagrikanirang, beach volleyball, Miss Simsang aro cha·ani cha·susaanirangko ong·atanggen ine u·iatangaha. Una agreba Aqua fest, doke dame git ring·e an·saoatani aro jolo man·gipa na·tokrangko mesokanikoba dakanggen ine parakataha.
Ian Garo Hills o Krismas na skang festivalko ong·atanio Me·gong festival ni ja·man gnigipa ong·enga. Unbaksana South Garo Hills a·jaoba Baghmarani mingsingbegipa Simsang chibima rikamo Tysam festival ko 2024 bilsini January jani bon·angachipak ong·atanggen ine u·iatangaha.
