A·chik Conscious Holistically Integrated Krima (ACHIK) Tikrikilla Regional Unit ni da·o ong·enggipa President Steward R. Marak-ko kamoniko ra∙galna ACHIK ni Co-Chairman Kebil A. Sangma chitti see u∙iatangaha. Marak ACHIK dolni tarigimin niamrangko pe·an baksana gitcham dilgiparangni kosako simsakgija aro kragija bewalrangko ka∙e mande ra∙gijanirangko mesokangaha ine chittio janapangaha.
Unbaksana dingtang dolrang baksa niamni a∙palo bakrime kamrangko ka·anina ACHIK dolni tang·doaniko ra·onani ong·na kenchaksoe ja·kurangko de·angaha ine parakataha. Indakgipa obostarangni a·selo ACHIK dolni mikkangchi kam ka∙anirango neng∙nikanirangko chagrongna nangjanagita NorthWest ACHIK ni dilgiparang Marak ko kamoniko ra·galaniko chitti see u·iatangaha.
