Re∙baenggipa 5 gipa Meghalaya Games na West Garo Hills a∙jani palo robol kal∙nagita District Football Association, Tura December ni 2 tariko seokaniko dakanggen. Ia seokaniko daknagita bilsi 18 ni ning∙o ong∙gipa chadamberangko GBHSS Artificial Turf Football Ground, Chandmario pring 6:30 oni kal∙susaataniko dake seokanggen ine u∙iatangaha.
Ia seokanio bak ra∙na sikgipa chadamberang 2006 bilsini January 31 tarik o ba uni ja∙mano atchigiparang ong∙na nanggen aro sakkina uamangni Aadhaar card aro Birth Certificate koba ra∙banagita ge∙etangaha. Unbaksana kal∙chakram biapona uamangko pring 6 bajio sokna nanganikoba u∙iatanagaha.
