Tura Champions Trophy 2023 na robol kal·susaaniko Government Boys Higher Secondary School, Chandmari kal·chakram biapo Tura, District Football Association dolrang da·al salni bako a·bachengatangaha. Ia kal·susaanio West Garo Hills ni dol 17 robol kal∙nasigiparang bakko ra·angenga jeon susaanio changsa sirikgenchimode susaani bakoni a·pal ong·nagita niamko tarie kal∙atangna tik ka∙aha.
Ia kal·susaanio bakko ra·enggipa dolrangara Super division aro First division ni gadango kal·gipa dolrang ong·a. Ia kal·susaaniko dintangmancha dal·e oprakaniko dakangjagenchimoba kal·susana tarigim salrangko ja·rike skanggipa salo Danakgre YSCC aro Babelapara SYC dolni gisepgriko da·al salo susaaniko dakangaha.
