Re·baenggipa Lok Sabha ni biapna Turao susana gitcham MP Agatha Sangmana NPP ticketko on·angtaipilna miksonganiko Cabinet Minister Marcuise Marak mijal salo parakangaha. Sangmani Turao susanasienganiko namen ma·sisoa gnang jekon iani bidingo election committee bon·kame nambate ja·ku de·anggen ine Marak aganangaha.
Congress dolrangni ia chango NPP ko amatna krengani bidingo sing·on, dilgipako seokna manderangni namnikaosa pangchakgen jeon NPP dolrang nambatgipa dilgiparangko susaatengani gimin chena ka·dongsoenga ine Marak talatangaha. Manderang chanchiesa dilgipako seokgen aro badia party nambate kam ka·na bil ama unasa chakpaaniko on·gen ine Marak aganangaha.
Shillong ni bidingo aganangengon, da·o dipet Cabinet Minister Dr. Ampareen Lyngdoh, gitcham MLA rang Himalaya Shangpliang aro Dasakhiat Lamare iamang sakgittamni bimingrangsan nakatkuenga ine Marak parakangaha.
