Re∙baenggipa November 9 oni 11 tarikona ong∙atenggipa 100 Drums Wangala manianio sorokrango garirangko salani aro seokgimin biaprango garirangko donchina niamrangko tarie West Garo Hills a∙jani police department u·iatangaha.
VVIP aro Delegate Officialrangna Baljek Airport runway Jengjalko seoke donangaha. Chakka ronggni garirangna wangalchakram biapni sambao donatna tik ka·angaha, chakka ronggittam aro rongbrina Baljek Airport runway ko seoke donangaha. Jregipa garirang jekai bus rangna wangalchakenggipa a∙damni napchenggipa samtangtangni bakrao donatskagen.
NH-217 Baljekoni Jengjalona pekwatgipa rama dilgittam dakgipao garirangko donna man∙jawa ine u∙iataniko on∙angaha. Ia maniani somoio manderangni naljokanina adita ramarangko re∙na gita man·jawa. Wangala manianiona re∙anggipa sakantikon ramarango garirangni skate donganiko champengna, man∙a dipet jinmako gate salenggipa garirangko jakkalchina mol∙molanikoba dakangjolaha.
Nanggitikani somoio jakkalna dingtang ramarangko re∙rurana chinrangko mesoke donangaha. Bilsi 18 na komigipa chadamberang garirangko salna man∙jawa, seat belt ganna nangchongmotgen, rama watna gam∙atna dongipako skatang on·a man∙jawa aro helmet rangko gana nanggen ine u·iatangaha.
Unbaksana re∙ruraani bidingo maikoba sing∙na nangani donggenchim ong∙ode 8837423053 aro 9089199064 numberona ka∙ate sing∙atna man∙gen ine West Garo Hills a∙jani Superintendent of Police Abharam T. Sangma u∙iataniko on∙angaha.
