A·dokni Health Minister Dr. Ampareen Lyngdoh ni Chief Minister baksa golporime ASHA kam ka·giparangni man∙gnirangko bariatna dabianiko chu·sokatna sorkari ku·chakna man·jawa ine aganchakanina ASHA rang chotchanggija jingjengataniko dakna tik ka·angskaaha.
ASHA kam ka∙giparangni agananigitade uamangna National Health Mission (NHM) oni man·anirangko dingtang mancha tik ka·e on·a dongja ine parakangaha. Uamang da·o man·enggipa hajal 2 oni hajal 5 ona bariatna dabienga jekon sorkari chu·sokatna man·jaode jingjengataniko dakangkuaigen ine MASHAWU ni President Marajune Myrsing parakataha.
Dolni ku·pattitimgipa Sonny Kharjana, uamangni nanganirangni bidingo sorkari baksa okamako man·ode golporimgen ine parakangaha. Health Minister ni uamangna hajal 5-7 ona man·gnirangko tikatenga ine agangipa kattana, sak 200 ASHA rangoni saksa ba sakgnisan ia man·gniko ra·na chol ong·enga jean kam ka·gipa manderangni bang·a aro bang·gijao pangchaka ine ua aganangaha. A·dokni MLA rang tik ka·gimin dormaharangko man·enga aro uamang baksa ASHA rangko tosusaani dongja ine agane jingjingataniko sorkari niatja dipet dakangkuna re·mikkanganiko Kharjana parakangaha.
