University of Science and Technology Meghalaya (USTM) o IA Ayurvedic Medical College (IAAMC) kulina am·anio Ministry of Ayush ni National Commission for Indian System of Medicine (NCISM) chu·gimik ra·chakaniko man·aha ine parakataha. Ia chu·sokaniko mijal salo manianio bang·a doctorrang, chatro chatrirang, skigiparang, official, USTM ni Chancellor Mahbubul Hoque aro Vice Chancellor Prof. G D Sharma dongpae bakko ra·angaha.
USTM Chancellor ni agananigitade IAAMC o napnagita rimnapaniko ru·utgijaan parakatgen ine aganangaha. Skanggipao sak 60 mangchi napna biaprangko a·bachengatenga jekon mikkang bilsioni ka·sinsin baridapatna jotton ka·anggen ine Chancellor u·iatangaha. 2030 bilsina skang gipin sanna bannani bakrang jekai Allopathy, Unani, Siddha aro Homeopathy, unbaksana research rangkoba a·bachengatgen ine parakangaha. Una agreba IAAMC o ge 100 palang donggipa hospital donggen jeon tanggitik a·sel ong·ani somoirango ta∙rake sanna bannanirangko dakna man·e tariaha. Unbaksana ia College o Operation theatre, Labour room, yoga centre, Physiotherapy unit, Panchkarma unit, ECG, USG, X-ray, laboratory rang aro gipin nangchongmotgipa sanna bannani cholrangko man·anggen ine parakataha.
