Eighth Schedule o ra∙napna seokgimin ming 38 ku∙sikrang baksa A·chik kusikko bak ong·atnagita re∙baenggipa November 3 tariko Union Home Minister Amit Shah ko grongna Garo Hills ni dilgiparangko Assembly Speaker Thomas A. Sangma aro Tura ni MP Agatha Sangma re∙dilangna tik ka·angaha.
Batanggimin somoio iani bidingo Home Minister ko grongnagita jotton ka·oba chu∙sokna man·jahani gimin ia chango Turani MP, Assembly ni Speaker aro A·chik Literature Society (ALS) dol baksa jinma bakrime A·chikkuko Eight Schedule o napatnagita Home Minister o mol·molanggen ine Cabinet Minister Marcuise Marak aganangaha.
Khasi ku∙sikko Eighth Schedule o napatna dabianiko ma∙mong sorkarinigita ra∙chakniko dakanggenchimoba A·chikkuko dabiani bidingo ra∙chaknagita maming aganchakanirang dongkuja. Ministry of Home Affairs ni u·iatanigitade Eighth Schedule o napatna seokgimin ming 38 ku∙sikrangko ra∙chakahaoba A·chikkuko galchangaha ine u·inagita manangaha.
