Re∙baenggipa 2023 bilsini Lok Sabha pu·onanio BJP doloni Shillong Parliamentary seat o Animal Husbandry & Veterinary ni Minister A L Hek susana gita miksonganirang donga ine saksa BJP dolni dal∙batgipa dilgipa janapangaha. Lok Sabha pu·onanio susasanagita dilgiparang uko namnika ong∙ode aro una biapko pakwatgenchimode Shillong ni seat o susana kusi ong∙aniko Hek parakangaha.
BJP dilgipani janape agananigitade Lok Sabha pu·onanio susana da∙o dipet BJP doloni darangba bimingtangtangko on·a rebagipa dongkuja ine parakataha. Re∙baenggipa Lok Sabha pu·onanio susanagita manderangko seokaniko ma∙mongoni dilgiparangsa dakanggen. Pu·onanio BJP doloni susaaniko Shillong aro Tura damgni biapon ong∙genma ma ge·saosan susana on·genma ukoba ma·mongoni dilgiparang chanchirimani ja∙manosa u∙inagita man·gen ine parakataha.
