Consul General Ho Chi Minh, Ho Chi Minh City, Vietnam ni gita Ministry of External Affairs ni ong∙atenggipa International North East Festival o South Asia ni a∙songrang baksa aro mongsongbate Vietnam baksa bakrimaniko mesoknagita skanggipa changna Meghalaya a∙doknigita ganding chinding, pala sim·a, sol·a repa, cha∙a ringani, dakbewal rikbewal aro tourism o pangchake a∙doknigita Vietnam o dakmesokangenga. Ia programo a∙dokni palo re∙anggiparang an∙tangtangni changa sapanigita dingtang dingtang a∙bao dakmesokaniko dakangenga.
Ia programko Union Minister of State External Affairs R K Ranjan Singh baksana Ho Chi Minh Province, Vietnam sorkarini Chairman & Head, Vietnam ni Ambassador of India, Consul General aro dingtang dingtang NE a∙dokrangni bakko ra∙giparang baksa oprake on∙angaha. Dam 25 mangnigita Vietnam province ni Chairman rang, Vietnam ni dal∙dalgipa entrepreneur rang aro tour operator rang an∙tangni gisik nanganiko aro a∙dok baksa mikkangchi kam ka·na sikpaaniko parakangaha.
Malaysian Airlines jean Dhaka ona sildorenggita songreaniko dakengachim, uamangba an∙tangtangni gisik nanganiko mesoke a∙dokona ramagita tourism ni a∙bao a∙palatna gita parakangaha. Apsan daken Vietnamese Airlines ba Hanoi/ Ho Chi Minh City oni Guwahati ona sildorengrangko ru∙utgija somoini gisepon bilruraaniko a·bachengatna parakangaha.
