A·doko MTET porikkako chu·soke dongenggipa skigiparangna interview ko November 15 tariko ong·atgen ine Education Minister Rakkam Sangma parakangaha.
Sorkarini Lower Primary skulrangna sak 1200 mang aro Upper Primary na sak 300-400 bangbang dongenggipa skigipani kamna gapatanggen ine Sangma parakataha. Skigiparang chu·ongjae neng·nikaniko naljokate namdapatna sorkari ja·kurangko de·enga ine Sangma kobor ra·timgiparangna parakangaha. Bangbang ong·e dongenggipa kamrango gapatna sorkari Christmas na skang matchotatgen aro skia poraiani gadangko namdapatna kamrangko ka·anggen ine Sangma aganangaha.
