West Garo Hills, Phulbario Chibinangoni me·tra chadambe saksa Anna B. Marak 2023 bilsini Northeast Divine season gittam o bakko ra·e Brand Ambassador ni bimingko an·tangna cheangaha. Ia gadangni susaaniko Guwahati songjinmao October 18 tariko ong·atangaha.
Su·saanio bang·a Northeast a·dokrangoni chadamberang bak ra·aniko nikangna man·aha aro an·tangtangni changa sapaniko mesoke chena jotton ka·angtokaha. Marak susaanio namgipa gunko dakmesoke ia Northeast Divine o an·tangna bimingko a·kange ra·na man·angaha.
