Directorate of Sports & Youth Affairs-ni ong·atgipa Meghalaya Youth Exchange Programme 2023 da·al salni bako matchotangaha. Ia programme ko October 16 tarikoni a·bachengataha jeon a∙dokni dam 12 a·jarangoni sak 700 chadamberang re·bae bakko ra·angtokaha. Ia bon∙kamgipa manianiko NEHU Campus Mawkynroh Shillong-ni Convocation Hall o ong·ataha.
Tom∙aniona mongsonggipa sokgipa Sports & Youth Affairs-ni Minister Shakliar Warjri ong·a aro Sports & Youth Affairs-ni Director I. Laloo ba dongpae bakko ra·angaha. Warjri chadamberangni changa sapaniko nike katchabeaniko parakangan baksana program-o bak ra·giparangko nambegipa cholrangko ra·e aro saksa sakgipinni changa sapaniko skigrike ra·chinagita didiangaha. A·doko dingtang dingtang jatrangni daka rika bewalrangkoba name ripinge dakchina aro chadamberangko mikkangchi nambate dakangchinaba didiani kattarangko aganangjolaha.
A·doko dingtang dingtang sorkarinigita chadamberangni changa sapanirangko ra·dona cholrangko nambata gadangrango on·a man·a gita agantalate on·angaha. Antigimik manianio bang·a susaanirangko ong·atangaha jekai jatni ring·mesokani, jatni chrokmesokani, Guitar aro Bangsi sikani, jera ra·ani, lekka bichitko kole aganani aro dingtang dingtang susaanirangkoba ong·atangaha. Bon∙kame program-o bakko ra·e chegiparangna Trophy aro Certificate rangkoba suale on·angaha.
