A·doko aro mongsongbate Garo Hills-oba drugs ba pekatgipa bosturangko jakkalani batroroengani gimin Gasuapara jolo donggipa dingtang dingtang NGO-rang, niam gri ge·enggipa ganjarangni bidingo police-rangna u·iatchengenba, ia jolrango ge·gipa ganjarangko June jani 18 tariko so·e galtokaha.
CEB dolni General Secretary Clinton R Marak-ni parakatani gitade, ia sal somoirango Meghalaya a·dok gimikon pekatgipa bosturangko jakkalani aro niam gri badingsrukanirang batroroengani gimin drugs jakkalaniko aro niam gri badingsrukaniko champengna gita uamang ia ja·kuko de·aha aro mikkangchi jolo songdongenggipa manderangna drugs jakkalanio namgijanirangko manderangna mikrakatanirangko on·na gita awareness program-rangko ong·atangna gitaba tik ka·e donangaha.
