West Garo Hills a∙jao Tikrikilla Don Bosco School Principal ni Mahindra Bolero gari bolsako Budbar walni bako cha∙uaha ine koborna parakataha. Cha∙ugipa mande walni somoio skulni bagano nape gari donchakgipa noko napdrae ra∙e katnagita man∙aha.
Parish ni nanganina jakkalenggipa ia ML 08D 9435 gariko cha∙ua bakan pulis dolrangna janape am∙sandianiko dakchina mol∙molangaha. Dosi dakgipa mandeko rim∙e gariko nokgipaona sokatpilna man∙agita, police rang ia mamla ni bidingo name am∙sandianikoba dakangenga ine koborna parakataha.
