Assam a·dokoni bol badingsruke salangenggipa gari bolsako mijal salni bako South West Garo Hills a·jani ning·o donggipa Banduraja songoniko rim∙na man∙rikaha. Bolrang baksa rim∙a man∙gipa Gulab Uddin minggipa mandeko uni gari ML 08-A-0337 Mahindra pickup o Assam a∙dokona salangengmiting somoio nirok simsakenggipa NGO dolrang man∙rikaha.
Ia kamko South West jolni nangrimgimin NGO rang jekai AYWO, FAF, FKJGP, AAYF aro AAPE dolrang ku∙monge chu∙sokatangaha. Uamangni rim∙rikgipa gari aro bolrangko Mahendraganj o donggipa GHADC ni Sub-Official ona ra∙ange pakwatatangaha ine koborna parakataha.
