A·doko bijoli den∙aniko mikkangchi champengna rakbate jotton ka∙gen ine Power Minister, AT Mondal mijal salni bako kobor ra∙timgiparangna parakangaha. Re∙baenggipa 2024 bilsio apsan daken konta 6-7 na bijoli den∙aniko chagrongani bidingo kobor ra∙timgiparangna talatengon kraagita bijoliko bikotna chu∙ongagita mikka bitchirangko nanga ine Mondal aganangaha. MeECL ni pilak bijoliko bikotchakgipa a∙damrang chiko jakkalgipa ong∙a ine janape mikkao pangchakna nanganikoba Mondal agandapangaha.
Ian mikkangchi ong·gni obostarangni gimin seng∙gnang agansamsonagita man·kujaenga aro re·baenggipa bilsio mai obostarangko chagronggen agana man∙ja ine Mondal aganangaha. Ia bilsiogita bijoliko mikkangchi den∙anirango neng∙nikanirangko man·jana gita uarangko champengsona rakbata ja·kurangko de·angna miksongenga ine Mondal agandapangaha.
