Sonibar salo Shillong Police Bajar-o gadang bri donggipa Amit Singhania ni building ko wa∙al kamgipako a∙dokni Chief Minister re∙ange nirokeaniko dakangaha. Ia a∙sel ong∙anio Amith Singhania ni dongchakgipa nok gimaataniko man∙aha aro saksa mande rasong gribee janggiko gimaatna nangaha.
Konta 40 mangna warachakgipa dolrang wa∙al kamaniko kimitna jotton ka∙na gita nangaha. Ia a∙sel ong∙ani bidingo a∙dokni Chief Minister, Chief Secretary, DGP aro adita chugipa gadangni dilgiparang nipilaniko dake chanchirimaniko dakangenga.
