A∙jao dingtang dingtang a∙selrangchi neng·nikaniko man·e skul napgija dongenggipa bi∙sarangna awareness campaign ko skanggipa West Garo Hills a·jani Tura songjinmao ong·atangaha aro gnigipao South West Garo Hills a·jani Ampati ramarango poraiani gamchatani bidingo dakmesokanirangchi aganprake on∙angaha. Ia awareness campaign ko Education department aro 93.5 Red FM skotong office oni re∙bae bakrimanichi chu∙sokgipa ong·atangaha.
Ia campaign ko dingtangmancha bilsi 15-19 ona ong∙gipa chadamberangna gadang chi∙gniona poraianio dakchakna aro National Institute of Open Schooling (NIOS) ni ning∙o biming segatangna agan ku∙pattianirangko on∙a miksonge ong∙atangaha.
