A∙doko mikka balwa rakbegnigipana Indian Meteorological Department (IMD) ni mikrakatsoaniko man∙e, Meghalaya State Disaster Management Authority (MSDMA) simsaksoani ja∙kurangko de∙sona mikrakataniko on∙aha aro manderangna simsaksoaniko on∙a Common Protocol Alert (CAP) ko a∙bachengataha ine uamangni Executive Director, Matsiewdor War Nongbri parakataha.
IMD ni gital batsranggipa parakatani gitade, June 17-18 tariko, South Garo Hills, East Garo Hills, South West Khasi Hills, West Khasi Hills, East Khasi Hills, West Jaintia Hills aro West Jaintia Hills a∙jarango mikka balwa bilongbeaniko nikangnaba donga ine ua janapangaha. District ge∙antina IMD mikrake dongchina aganataha aro SDMA iani bidingo pilak ja∙kurangko de∙soe dongenga ine Nongbri kobor ra∙timgiparangna parakataha.
