NH-62 ramako tarinagita a·arangko chu·gimik sorkarina bilko on·kujani gimin ramani rika cho∙ani kamrangko a·bachengatna ru·utatenga ine Cabinet Minister Rakkam A. Sangma an∙tangni suk ong·gijaniko parakataha. Ia kamrangko tarakale ka∙china aro nirokatchinagita ua official rangkoba didiangaha.
Ru·utgija salrangni gisepon iani bidingo ua Public Works Department (Roads) ni Minister aro Deputy Chief Minister Prestone Tynsong baksa tom·aniko dake chanchirimanggen ineba u∙iataha. Unbaksana ia National Highway ramani adita nosto ong∙gipa bakrangko namdapatnagita ma∙mong sorkari gong crore 6 tangkarangko chamatman·aha ineba Sangma u·iatjolangaha.
