South West Garo Hills ni Betasing C&RD Block, Rerapara C&RD Block aro Zizak C&RD Block ni ning·o Directorate of Food Processing (DOFP) Meghalaya aro Agricultural Technology Management Agency (ATMA) dolgni nangrime Prime Minister Formalisation of Micro Food Processing Enterprises (PMFME) Scheme ni bidingo talate on∙angaha.
Ia scheme chi an∙tangtangni changa sapaniko jakkale cha∙ani tarie palenggipa manderangna chonchongipa kolrangko bree jakkale uamangni pala sim∙aniko aro man∙aniko tang∙doatna ma∙mong sorkarini dakchakgipa ong∙a. Ia scheme nigita tangka ra∙sroanio 35 percent ko game cha∙enggiparangna dakchakangan baksa skie on∙ani, bosturangko pala sim∙anio aro bosturangni nokgipa ong∙ako mesokani chinko tarina dakchakaniko on∙anggen.
Ia skie on∙ani programo adita cha∙ani tarianio gisiko nanggipa manderang aro songni manderang bakko ra·angaha. Dingtangmancha ia programo skie on∙a gita PMFME SWGH a∙jani skie on∙timgipa Nipon Hajong bakko ra∙gipa manderangna ia schemeni bidingo agantalate on∙angaha. SWGH a∙jani ATMA department ni ning∙o kam ka∙enggipa Deputy Project Director (DPD), Block Technology Manager (BTM) aro Assistant Technology Manager (ATM) rang dongpae ia schemeni bidingo talatdape on∙angaha.
