East Garo Hills a·jani Deputy Commissioner Vibhor Agarwal September 23 tariko Songsak-ni Kasturba Gandhi Balika Vidyalaya (KGBV) skulko adita education department-ni official-rang baksa re·ange nirokaniko dakangaha. Ia somoio DC skulni skigiparang baksa tom·e dingtang dingtang nanganirangko u·ie ra·angaha aro skulko nambate chalaianiko dakna didianiko on·angan baksa mikkangchi skulni nanganirangna dakchakaniko on·a ku·chakangaha.
Ia skulo changa sapanirangko skie ra·nagita chasong gitalni digital smart board aro computer rangko ra·bae dingtang dingtang gadangni kamrangko skie on·a a·bachengatenga. Unbaksana skulo sika koani aro ba·ra dokanirangkoba chatro chatrirangna skie on·anirangko dakangenga. Ian wilwalao donggipa bi·sarangna namgipa cholko on·enga aro iarangko skie ra·anichi janggi tangna changa sapaniko on·aniba ong·a ine DC parakangaha.
