South West Garo Hills, District Sports Office aro District Administration nangrime a∙jao September 22 tariko skanggipa changna Inter-Mahari Football tournament-ko Ampati kal∙chakram biapo ong∙atangenga. Skanggipa salni kal∙anio mikkarang wagenchimoba bang∙a a∙jani manderang ia kal∙susaanio bak ra∙e doltangtangna chakpaanirangko nikangna man∙aha.
Ia kal∙susaanio dol 38 maharirangni gisepo chegipa ong∙na susaanggen jeon a∙jani manderangba kusi ong∙bee bakrimaniko on∙anggen ine skanggipa salo mikka wabegenchimoba chakchike nianganiko nike agansona man∙enga. Skanggipa kal∙susaani bakko September 25 tarikona kal∙e matchotatggen aro gnigipa bakko September 26 oni a∙bachenge October 6 tariko matchotskaggen. Uni ja∙mano October 6 tarikoni 13 tarikona joljol Quarter final ni gadangko kal∙atangna tik ka∙angenga.
