Tura Super Market-o bang∙a bading chiwale cha∙giparang municipality-ni supervisor Stemsen M. Sangma ni kosako tangka dabie ra∙ani aro kragija kattarangchi ka∙mikenatani bidingo badi ka∙anina TMB-ni CEO Rikse Marak sing∙sandianiko dakchina rai on∙aha.
Uamangni badi ka∙ani gitade licence rang chu∙onggenchimoba tangka gong lakh 1 ko dabianirangko dakan baksa uamangni dokanrangko chipnaba ka∙mikkenataha. Saksa badingchiwale cha∙gipako ja 2 na kingking tangka dabianiko aro Licence rangko nina dabie ragale galna aro dokan ko chipna nanggen ine ka∙mikkenatanirangko on∙e donaha. Salantian uni dokanona re∙ange uko sing∙sandianirangko dakjringe una gisikni gita neng∙nikanirangkoba on∙aha.
Batanggimin sal June Jani 12 tariko Stemsen Sangma uko nike apsan dake bang∙a manderangni mikkango ka∙mikkenataniko on∙taiaha aro uni ia kragija kamna adita manderang sakki ba ong∙aha.
Dosi ko dakgipa saksakosan ong∙ja, indiba bajaro dokan dake cha∙paenggipa bang∙bata manderangkon indake neng∙nikanirangko on∙rongenga ine badi ka∙gipa parakangaha. Uni indakgipa niamgri kragija manderangoniko ka∙mikkenate togie tangka dabie ra∙arangni bidingo am∙sandianirangko dakgen aro una kragipa sastirangkoba on∙gen ine TMB-ni CEO aganaha, aro ia am∙sandianiko dakna TMB-ni Executive Engineer Kometh Marak-na bilko on∙angaha.
