South Garo Hills Krishi Vigyan Kendra (KVK), Balwatgre songo Mobile Plant Health Camp ko ong∙atangaha. Ia camp-o mi misirangko nosto ka∙gipa jo∙ongrangoniko champengna man∙a gita Trichogramma Japonicum (Tricho cards), Trichoderma Harzianum, Pseudomonas Fluorescens, Metarhizium Anisopliae, aro Neem-oniko tarigipa torangko suale on∙angaha. Mi misi ge∙anio ia samrangko jakkalanichi mandeni cha∙anio maming namgijaona ra∙baja aro nosto ka∙gipa jo∙ongrangko champenge bang∙bate biterang man∙a dakchakani ong∙a ine agantalate on∙angaha.
Unbaksana mi a∙palrango donggipa jo∙ong gukrangko champengna Pheromone traps jekon agangenchimode jo∙ong bima dake similatgipa rokkomsa samko on∙e jo∙ong biparangko chipchange so∙ote galna jakkalgipa mingsa ostro ong∙a. KVK ni officialrang ia ostrorangko jakkalna nangani bidingo songni ge∙e game cha∙gipa manderangna agantalate on∙an baksana dakmesoke mesokangjolaha.
