National Assessment Accreditation Council (NAAC) nigita pilakko nigrike a∙songni collegerangna gadangrangko pakwate on∙gipao Williamnagar Government College, Grade C o donatako man∙aha. NAAC ni parakatanigitade, college chu∙gimik 1.81 CGPA ko man∙e Grade C ni gadango gatapeaha. Ia tosusaaniko poraia skianikosan niaigija college ni chu∙gimik name dakaniko nigrikesa gadangrangko on∙angaha.
Williamnagar Government College, 2000 bilsini May 6 tariko bimang ong∙aha jean a∙jani manderangna bida pakwatanio dakchakaniko da∙onaba on∙angkuenga. College ni chu∙sokanina a∙jani MLA, Marcuise Marak, pilakni bakrime ia gadangona sokdona man∙anina dingtangmancha college ni Principal, Managing Committee, skigiparang aro kam ka∙giparangna katchapaaniko on∙ataha.
