East Garo Hills Rongjeng Unit ni Garo Students’ Union (GSU) dolrang mijal salni bako gital dilgiparangna seokaniko dakangaha. President ni biapko ra∙e kam ka∙na Robustin R. Sangma ko seokangaha aro Secretary ni biapo Walsimbirth Marak ko seokangskaaha. Seokako man·gipa GSU Rongjeng unit ni gital dilgiparang mikkangchi a∙jani namroro silroroanina kamko ka∙na ku∙mitchete ra∙aniko dakangaha.
Uamangni mikkangchi kam ka∙na re∙chakatani kattarangko aganangengon dingtangmancha a∙jani chatro chatrirangna aro manderangni namgnina dangdike on·a kamrangko ka·angna kang·kare kae ku·chakaniko dakangaha. Seokaniko dakani somoio Tura Headquarter-ni President Zikku Balgra Marak aro gipin GSU ni dilgiparang dongpae bakko ra·ange ku∙cholsan ong∙e jatni namgnina re∙mikkangna ku∙pattiani kattarangkoba agane on∙angaha.
