South Garo Hills a∙jani Chirangri Border Outpost-o 43 Battalion Border Security Force (BSF), force’s Civic Action Programme-ni ning∙o medical campko ong∙atangaha. Ia camp-o jolo songdongenggipa manderangni an∙seng baljokanina dam gri be∙en bimangko porikka ra∙e nianirangko dakangaha.
BSF aro a∙dokni Doctor-rang apsan bakrime songdongenggipa manderangko dam gri porikka ra·an baksana samrangko suale ong∙angaha.
Medical campkosan ong∙ataigija BSF dolni Deputy Inpector General Tarni Kumar Tiu aro 43 Battalion-ni Commanding Officer Ratikant Thakur, nanggnigipa bosturangko jekai solar light, chatta, plastic-ni chokki, table aro kal∙susaanio jakkalgipa bosturangkoba Rongra, Chirangri, Seemakona aro Dhambukaphal songni chatro chatri-rangna suale ong∙angjolaha.
