Meghalaya a∙doko Pradhan Mantri Awaas Yojana (PMAY) nigita lakh sa hajal kolatchi nokrangko rike on∙anggen ine Conrad Sangma ku∙wate ra∙angaha. Ia nokrangko rikna gita tangka gong crore 1700 ong∙gen jekon ia bilsi bon∙angachipak tangkarangko watatgen ine Sangma janapangaha. PMAY dingtang mancha a∙dokni chu∙gimik tang∙doanina ja∙ku de∙ani ong∙a aro ian mitam bakrango songsalni nanganirangko re∙baenggipa bilsi bongao sorkarini chu∙sokatna miksongani ong∙a ineba Sangma parakangaha.
Sorkarini minggipin miksonganirang jekai sakantina dongchakani nokrangko tikatani, bijoliko sokatani, songadam nokadamrangona re∙a doaniko namatani, chi sokatani aro mobile network rangko sokatanirangko Sangma mongsonggipa ong∙e janapangaha. Sorkarini kamrang a∙doko songdongenggipa pilak bakni manderangona sokejaode chu∙sokgipa ong∙ja ine Sangma aganangaha. Pilak dal∙a aro chona cholrangko sorkari dingtang dingtang gadangrango a∙dokni manderangona chu∙gimik dingtanganina sakprak manderangona sokatna jotton ka∙enga. Sorkarini dakchakenggipa tangkarangko tik ka·gimin kamna jakkalchinaba Sangma didiangaha aro songko nokko dilenggiparang, BDO, Project Director rangko u∙iate on∙pachina Sangma mol∙molangaha.
