2026 FIFA World Cup qualifiers na kal·anirangko ko Guwahati songjinmao sokachaknagita tarisamsoanirangko dakangenga. Asian qualifiers-na seokanio Indiako group A ni biapo donataha, jeon Qatar, Kuwait aro Afghanistan ba Mongolia dolgnioni chegipa dol baksa susaaniko dakanggen. November 16, 2023 tariko India a∙songni robol kal∙gipa Blue Tigers dolrang Kuwait baksa kal∙susaaniko skanggipa changna dakanggen. Uni ja∙mano Bhubaneshwar ni Kalinga Stadium-o AFC Asian Cup champion Qatar baksa November 21 tariko kal∙susaaniko dakanggen. 2024 bilsio Blue Tiger, Afghanistan ba Mongolia dolgnioni chegipa baksa kal∙susaaniko dakangskagen.
Skanggipa kal∙susaaniko March 21 tariko mikkangchake kal∙nasienggipa dolni a·songo kal∙susanirangko dakanggen. Gnigipa kal∙susaaniko March 26 tariko Guwahati Indira Gandhi Stadium-o kal·susaangskagen. Odisha aro Assam Football Association ni kal∙susaaniko sokachakna rakbee kam ka∙enganina aro sokachakenggipa a∙dok sorkari ni gita ia kal∙susaaniko nambata gadango chu·sokatna rakbee kamrangko ka∙enganina All India Football Federation (AIFF) ni General Secretary Shaji Prabhakaran nama skaniko on∙ataha.
