Sustainable Transport and Efficient Mobility Society (STEMS) programme ni gita on∙enggipa busrangko Shillong songjinmao jakkalna gong∙giparang dongjaengani gimin a∙dokni dingtang dingtang a∙jarangni skul aro college rangona watatna miksongenganiko Education Minister Rakkam A Sangma September 11 tariko parakataha.
Shillong songjinmao bang∙bata chatro-chatrirangni ma∙apaa rang an∙tangtangni dedrangko bus-o watna nangniktokjaniko niknagita man∙enga. Indakgipa jechakanirang dongani gimin jakkalgija donenggipa bus rangko a∙dokni gipin a∙jarangona watatnagita Urban Affairs department baksa chanchirimaniko dake kamrangko nigrike ka∙anggen ine Sangma agandapangaha.
Sorkari STEMS bus rangko Shillong songjinmao traffic ko komiatna aro neng∙nikanirangko olgrokatna ia bilsini January jao garirangko oprakaniko dakangaha. Indakgipa namgipa cholrangko ra∙bagenchimoba ia busrangko jakkalgipa dongjani a∙selo, garirangko ISBT Mawlai Mawïong-osa donna gita nangenga ineba Sangma parakataha.
