South Garo Hills ni Krishi Vigyan Kendra (KVK) NICRA project-ni ning∙o salsana awareness cum training programmeko Asugre songo ong∙atangaha. Ia trainingo waknolrangni nokkingko rong nonge ding∙begipa sal oni champengna man∙ani cholrangko skie on∙angaha. Ia skie ra∙anio bak ra∙gipa songni manderangna rong nongani bosturangko jekai primer, thinner, rong gipok aro brush rangko suale on∙angjolaha. KVK ni bang∙a Garo Hills ni songrango ge∙a gamanikosan ong∙aigija jila kao dakna aro jakkalna nanggipa cholrangkoba skie on∙angenga.
Apsandaken NICRA ni ning∙o mikka chirangko ripinge ‘Jalkund’ ba chikongrangko kite mikka chirangko chimongrike mi-misi aro me·su samjak ge·anirango jakkalna man∙agita Senior Scientist aro NICRA Project ni skotong dilgipa agan talataniko on∙angaha. Iarangko skie on∙anichi a·rankarini somoio ge·a gamaniko dakanio china dilaniko nengraatna cholrangko ra∙baani ong∙a.
