Ge 235 mokordoma ka∙anirangko National Lok Adalat-o chu∙sokataha

A∙dokni gimik a∙jarango National Lok Adalat ko September ni 9 tariko National Legal Services Authority (NALSA) aro Meghalaya State Legal Services Authority ni gita ong∙atangaha. National Lok Adalat o ge 837 dolgni gisepo namgrikna nangkuenggipa mamlarang aro 450 mokodoma ka∙giminrang jekon bon∙chongdikataona ra∙bana nanggipa mamlarangko niangaha.

Ia Nationa Lok Adalat o chu∙gimik ge 1287 mokordoma ka∙giminrangko nianiko dakange, 235 mokordoma ka∙aniko nipiltaie gong 84,47,480 na chu∙sokataha ine u∙iataha.