Miss Meghalaya 2023 aro Miss Teen Meghalaya susaaniko September 9 tariko U Soso Tham Auditorium Shillong o bon∙kame ong∙atangaha. Ia susaanio chu∙gimik sak 37 bak ra∙giparangoni Stella Khongsni Miss Meghalaya ni bimingko chegipa ong∙angaha. Gnigipa gadango Lasmiker Dkhar aro gittamgipa gadango Sanijajai Khyriem chegipa ong∙angskaaha.
Miss Meghalaya bimingko chegipana tangka gong lakh sako on∙angaha. Gnigipa chegipana gong hajal 50 aro gittamgipana gong hajal 25 ko on∙angskaaha. Apsandake Miss Teen Meghalaya bimingna susagiparangoni Angelina Jackson chegipa ong∙angaha. Gnigipao Gracey Nandy aro gittamgipa gadango Denise Kharkongor cheangskaaha.
Ia susaanio seokaniko dakna dongipa manderangara Butterfly Clothing ni nokgipa Strennous Marwein, Assistant Professor of Law Ilarisa Kharkongor, mingsinggipa fashion designer James Ferreira, Vogue Young Achiever award ko man∙gipa Ketholeno Kense Vihienuo aro Heritage Mizoram ni nokgipa Charlee Mathlena ong∙a.
