Meghalaya Civil Service Officers’ Association ni Annual Conference ko da∙al salni bako Tura Tree House Resort-o ong∙atangaha. Ia conference o a∙dok sorkarini Chief Secretary DP. Wahlang, Principal Secretary Sampath Kumar aro Education Department ni Secretary Ambrose Marak, Turani DC Jagdish Chelani aro a∙dokni MCS officer rang bakko ra∙angaha.
Ia tom∙bimonganio MCS officerangko dingtang dingtang kamna donatani aro somoi gita officer rangni kamko tang·doatna nangchongmotani bidingo chanchirimangaha. Songsalo janggi tanganio MCS officer rangni namgipa gunrang jekai chakchikani, kim·kim ong·ani, an·tangko onatani aro je kamoba an·tangari chanchie kam ka·na ammani gamchataniko a∙dok sorkarini Chief Secretary D.P. Wahlang aganangaha.
Meghalaya a·doko Civil Service officer rang komibatsranggipa ong·engani gimin a·dokoni mangmangsan officer ong·aigija Indian Admistrative Service-oba kam ka·na man·a gita tikkelna didianikoba on·angaha.
