A∙dokni a∙paloni sokbaenggipa na∙tokrangko a∙dokni sorkarini sal 15 na dontongatani ja∙mano na∙tok ba∙dinge cha∙giparang neng∙nikanirangko chagrongaha, indiba ua apsan somoion a∙doko chiringrangni aro pokkrirangni na∙tokrangko rim∙e palbadinge cha∙giparangna bilongen namgni ong∙skaaha.
Garo Hills-o na∙tokrangko pokkri-o jilgiparang da∙o an∙tangtangni pokkrini na∙tokrangko pale cha∙na a∙bachengtokengaha aro uamang iako dakna Rashtriya Krishi Vikas Yojana (RKVY) scheme-rangchi dakchakaniko man∙tokenga.
Adita salrangna skang a∙dokni sorkari a∙dokni a∙paloni sokbaenggipa na∙tokrangko sal 15 na ra∙napbana dontongatahachim aro a∙palchini sokbaenggipa na∙tokrangko simsake porikka ra∙e nirokaniko dakangkuenga.
