Rajabala o songdongenggipa manderang aro VEC member rang, uamangni a∙jani MLA Dr. Mizanur Kazi ni dilanichi West Garo Hills a∙jani Deputy Commissioner Jagdish Chelani, Selsella aro Demdema C&RD Blockni officialrangko job card ka∙e cha∙enggiparangni neng∙nikani bidingo Tura Circuit house o chanchirimaniko dakangaha.
Ia tom∙bimonganio damgni blockrango VEC rangna job card ni tangkarangko on∙jaenganina chanchirimaniko dakangaha. Una agreba niam gita ong∙gija gitcham VEC member rangko ra∙gale gital member rangko seokani bidingoba chanchirimangaha.
VEC ni dilgiparangko seokanio songni manderangni namnikagita seokna bilrangko on∙jaha ine u∙iataha. VEC dilgiparangko seoknagita job card kam ka∙enggiparangsa uamangni namnikako seokna bil amma aro uko nipiltaie namdapatna nanga ine Kazi aganangaha.
