A∙doko nanggipa kattarangko golporimna aro chanchirimna ia bilsini autumn session ko salbongana September 15 oni a∙bachengatgen ine Business Advisory Committee (BAC) parakataha. Ia session o September 15, 20, 22 tarikko sorkarini kamni gimin golporimna donataha aro September 19, 21 tarikko MLA rangna sing∙anirangko dakna aro talate on∙a somoiko tik ka∙angskaha.
September 18 tariko Unitarian Day na chutti ong∙ani gimin salgipinona ra∙doatskaaha. Ia session o mikkangchakgipa dolrangni sorkarini kamrangni bidingo sing∙doanirangko nikanggen unbaksana sorkarini Ministerrang uamangni kam ka∙anirangko aro mikkangchi ka∙na miksonganirangko agantalate on∙anganikoba dakanggen ine u∙iataha.
