August 29 tariko WGH a∙jao Chibinang songni sambao donggipa Bangalkata jolni saksa me∙a bi∙sa Rongai chibimao sripe siaha ine koborna parakataha. Sianggipa me∙a bi∙sa Eman Mann, August 29 tariko gimaaha jeon am∙sandianiko dakenba uni manggisiko August 30 tariko man∙aha ine koborna parakataha.
Koborko man∙soani gitade sianggipa bi∙sa dam jolo tangsime tu∙batgipa chibimani bakona re∙angmane a∙samona re∙bapilna man∙jaenba ia a∙sel ong∙aona sokaha ine u∙iataha. Uni manggisiko pulisrang, naljokatgipa dolrang aro songni manderang sandibeoba man∙jaha jekon Budbar salosa man∙pilaha ine janapataha.
